Sana, Hindi na Lang Kita Nakilala

Sana,hindi na lang kita nakilala,
kung ang pinakamasakit na mararamdaman ng isang nilikha'y sayo ko makukuha.
. . .
Sana,hindi na lang kita nakilala,
kung ang dahilan ng mga pasakit at paghihirap mu ngayo'y ako ang may sala.
. . .
Sana,hindi na lang kita nakilala,
kung ang magagandang pangarap nating nabuo nuo'y mananatili na lang na magandang alaala.
. . .
Sana,hindi na lang kita nakilala,
kung ang kapalit ng saglit na ligaya'y habambuhay na pagbabayaran ng hinagpis at luha.
.
.
.
Pero sa kabilang banda...
.
.
.
.
.
Kung hindi kita nakilala,
hindi ako nagkaron ng pag-asa nung mga oras na ang mundo ko'y halos gumuho na.
. . .
Kung hindi kita nakilala,
hindi ako nagkaroon ng dahilang magmahal muli ng tapat sa kabila ng naranasang kabiguan.
. . .
Kung hindi kita nakilala,
hindi ako nakadama ng kakaibang ligaya sa tuwing ibinubulong mong ''mahal na mahal kita''.
. . .
Kung hindi kita nakilala,
hindi ko naranasan ang kakaibang saya ng pagsusuyuan pagkatapos ng tampuhan.
. . .
Kung hindi kita nakilala,
hindi ako nagkaron ng kompiyansa sa sarili na gawin ang isang bagay na akala ko'y 'di ko kaya.
. . .
Kung hindi kita nakilala,
hindi ko nalaman na ang magmahal ng sobra'y totoo palang nakasasama.
. . .
Kung hindi kita nakilala,
hindi ko napagtanto na ang langit ay 'di pwedeng humalik sa lupa.
. . .
Kung hindi kita nakilala,
hindi ko ako nakagawa ng isang tulang tulad nito para ialay sayo melba.
. . .
At kung hindi kita nakilala,
hindi ko napatunayan sa sarili ko na walang pag-ibig na wagas na naghihintay sa dulo ng aklat ng isang tulad mong tala at sa isang tulad kong basura.